आयो ‘एकलब्य’को ट्रेलर (भिडियो सहित)

फिल्मी पाटि :-अनमोल शर्माले निर्देशन गरेका चलचित्र ‘एकलब्य’को ट्रेलर सोमबार दिउँसो सार्वजनिक गरिएको छ । ओएसआर डिजिटलबाट यो चलचित्रको ट्रेलर रिलिज गरिएको हो ।आगामी १० साउनबाट देशव्यापी प्रदर्शनमा आउने एकलब्यको ट्रेलर एक्सन प्रधान रहेको छ ।

ट्रेलरमा गुण्डागर्दी, अपहरण, हत्या, भ्रस्टाचारजस्ता अहिलेका विविध समस्यालाई प्रस्तुत गरिएको छ ।  निर्देशक शर्माका अनुसार एकलव्य समसामयिक बिषयमा निर्माण गरिको सामाजिक प्रेम कथामा आधारित चलचित्र हो । यसमा फिल्म्का अभिनेताद्धय सोनाम थापा मगर र पुष्कर राउतको एक्सन ससक्त छ ।

चलचित्रमा सोनम थापामगर, पुष्कर राउत, ओसिन भट्टराई, महिला सिलवाल, शुशिल पोखरेल, शुष्मा कार्की, राजेन्द्र दुलाल, बिराग लोगुनसहितको अभिनय रहेको छ । एकलब्यलाई राजेन्द्र दुलाल, सोनाम थापामगर र अभी थापामगरले निर्माण गरेका हुन् ।
चलचित्र एकलब्यलाई अनमोल शर्माले निर्देशन गरेका हुन् । दर्जन भन्दा बढी चलचित्रमा मुख्य सहायक निर्देशक भएर काम गरिसकेका शर्माको यो डेब्यु निर्देशन हो ।

यो चलचित्रमा कृष्ण श्रेष्ठको छायाँकन, अर्जुन जिसीको सम्पादन, कविराज गहतराज र रामजी लामिछोनेको कोरियोग्राफी, राजेन्द्र बजगाईंको गीत÷संगीत, भोजराज देवकोटाको पटकथा सम्बाद रहेको छ । चलचित्रको प्रदर्शनी मिति नजिकिँदै गर्दा यसको ट्रेलर सोमबार रिलिज गरिएको हो । दुई साता अघि यो चलचित्रको ‘पूर्वै चल्नेया रेल…’को भिडियो रिलिज गरिएको थियो । रामचन्द्र काफ्ले र जुनु रिजालको स्वरमा रहेको लोक लयमा आधारित यो गीतको भिडियोलाई दर्शकले मन पराएका छन् ।

Read Previous

५१ दिन मनाउन सफल ‘जात्रै जात्रा’

Read Next

राष्ट्रपति भवनमा हुने राष्ट्रिय चलचित्र पुरस्कारको तयारी भव्य

Leave a Reply

Your email address will not be published. Required fields are marked *